Каспий теңізіне ұшақ құлады
Әлемде
Қысқа сілтеме алу
Түнгі оқу-жаттығуға шыққан ұшақпен байланыс аяқ асты үзілген
НҰР-СҰЛТАН, 25 шілде — Sputnik. Әзербайжан әскери әуе күштерінің МиГ-29 ұшағы оқу-жаттығу кезінде апатқа ұшырады, қазір құтқарушылар ұшқышты іздеп жатыр. Бұл туралы елдің қорғаныс министрлігінің ресми сайтында жарияланған.
Оқиға 24 шілдеде жергілікті уақыт бойынша түнгі 22.00-де болған. Түнгі оқу-жаттығуы кезінде МиГ-29 жойғышымен байланыс күрт үзіліп, ұшақ радардан жоғалып кетеді.
Тағы оқыңыз: Нұр-Сұлтан маңындағы ұшақ апатының мән-жайы анықталды — фото
Алдын ала деректер бойынша, әуе кемесі Каспий теңізіне құлаған.
Қазір құтқарушылар ұшқышты іздеп жатыр. Апаттың себебін анықтау үшін арнайы комиссия құрылған.
sputniknews.kz
