Карантиннен кейін 85 жастан асқан ардагерлер пойызда тегін жүретін алады

0
77

Қоғам

Қысқа сілтеме алу

1 0 0

Акцияға тыл еңбеккерлері де қатысады. Ардагерлер пойызбен тек Қазақстанда ғана емес, сонымен бірге ТМД елдеріне де жүре алады

НҰР-СҰЛТАН, 7 мамыр – Sputnik. 1935 жылдың 31 желтоқсанына дейін туылған Ұлы Отан соғысының ардагерлері мен тыл еңбеккерлері пойызбен тегін жол жүру құқығын алады, деп хабарлайды Sputnik Қазақстан.

Samruk-Kazyna Trust қорының хабарлауынша, ардагерлер карантиндік режим жойылғаннан кейін акцияны пайдалана алады.

«2020 жылғы акция аясында Ұлы Отан соғысының қатысушылары мен тыл еңбеккерлерін және 1935 жылдың 31 желтоқсанына дейін туылған ардагерлерді Қазақстан мен ТМД елдері бойынша тегін теміржол қатынасымен қамтамасыз ету жалғасады», – делінген баспасөз хабарламасында.

Билетті алу үшін теміржол кассаларына жеке басын куәландыратын құжаттың түпнұсқасы немесе Ұлы Отан соғысының қатысушысы не болмаса мүгедектік куәлігі, ал тыл еңбеккерлері – арнайы мемлекеттік жәрдемақы тағайындау туралы жазбасы бар зейнетақы куәлігімен баруы керек.

Бүгінгі таңда «Жеңіс» әлеуметтік және қайырымдылық жобасы аясында Қазақстанның 35 қаласында тұратын Ұлы Отан соғысының 640 ардагері мен тыл еңбеккері қажетті тауарлар түрінде көмек алды.

Әсіресе, жалғыз тұратын немесе денсаулығы мен әлеуметтік мәртебесіне байланысты көмекке мұқтаж адамдарға ерекше назар аударылды.

Оқи отырыңыз: Атамның аманаты: қазақстандықтар Жеңіс күніне арналған жобаға қатысуда – видео

Айта кетейік, карантин жағдайында барлық сақтық шаралары сақталды. Көмекке жұмылдырылған 200-ге жуық ерікті байланыссыз жеткізуде қашықтықты сақтап, медициналық маскалар мен қолғаптарды пайдаланды.

«Жеңіс» жобасының бес жылында еріктілер қарт адамдарға 10 мыңнан астам рейд жүргізіп, үй шаруаларына көмектесті.



sputniknews.kz