Энергетика вице-министрі тағайындалды — новости Казахстана
Қазақстан үкіметінің қаулысымен Есімханов Сұңғат Қуатұлы Энергетика вице-министрі болып тағайындалды деп хабарлайды primeminister.kz-ке сілтеме жасаған NUR.KZ.
Фото: Sputnik/ Жания Уранкаева
Ведомствоның мәліметінше, бұған дейін бұл қызметте отырған Анатолий Шкарупа өз өтінішімен қызметінен кеткен.
Сұңғат Есімханов 1973 жылы Павлодар облысында туған. 1996 жылы Павлодар индустриалды институтын, 2007 жылы Қарағандының »Болашақ» өзекті білім беру институтын бітірген.
Еңбек жолын 1996 жылы «Алюминий Қазақстан» АҚ-ның гидрометаллургиялық цехында инженер болып бастап, онда 2000 жылға дейін жұмыс істеді.
2001-2007 жылдары Астана, Ақтау, Қарағанды қалалары бойынша ҚР Табиғи монополияларды реттеу, бәсекелестікті қорғау және шағын бизнесті қолдау агенттігінің құрамында маман, бөлім бастығы, департамент директоры қызметтерін атқарды. 2008-2010 жылдары Павлодар облысының энергетика және коммуналдық шаруашылық басқармасын басқарды.
2010-2013 жылдары «Казахэнергоэкспертиза” АҚ президенті болды. 2013-2014 жылдары ҚР Индустрия және жаңа технологиялар министрлігінің электр энергетикасы және көмір өнеркәсібі департаментінің директоры болып жұмыс істеді.
2014 жылдың тамыз айынан бастап қазіргі уақытқа дейін Энергетика министрлігінің Атомдық және энергетикалық қадағалау мен бақылау комитетінің төрағасы қызметін атқарды.
Өз орнын босатып берген Анатолий Шкаруп ірі көлемде бюджет қаражатын жымқырды деп күдіктелуде. Экс-вице-министр енді 16-шы қаңтарға дейін үй қамақта отырады.
