Италияда тағы бір жанартау атқылады
Италияның оңтүстігінде Стромболу жанартауы атқылады. Липар аралының маңындағы табиғи апаттың шоқтары жан-жаққа тараған.
Қазір аталған аймақта қауіптің сары түсті деңгейі жарияланды.
Осыдан екі күн бұрын дәл осы Италияның Этна жанартауы да атқылаған болатын. Сонымен қатар, соңғы 24 күннің ішінде Катания қаласында 750 жер асты дүмпуі анықталып, олардың кейбірінің күші 4.0 балға дейін жеткен.
Еуропадағы ең қауіпті Этна жанартауы 2008 жылы тұрғындарға қауіп төндірген, Ал, 2017 жылы оның ең белсенді жанартау екендігі белгілі болды. Алайда, ғалымдар соңғы жылдары Этнаның төменге қарай 14 миллиметрмен түсіп келе жатқандығын айтып отыр. Бұлай жалғаса берсе, Жерорта теңізіне дейін жететіндігін алға тартуда.
