Италияда концерт кезінде белгісіз біреу газ шашып, алты адам қайтыс болды — Жаһан
Италияда концерт кезінде қылмыскер газ шашып, алты адам қайтыс болды, — деп хабарлады Lenta.ru порталы Corriere della Sera басылымына сілтеме жасап.
Порталдың мәліметінше, оқиға Анкона провинциясында болған. Рэп-концертте адамдар сығылысып, салдарынан алты адам көз жұмып, шамамен 120 адам зардап шеккен.
«Оқиға Коринальдода Lanterna azzurra би кешінде болған. Ол кеште жергілікті хип-хоп орындаушы Sfera Ebbasta өнер көрсетті. Куәгерлердің айтуынша, белгісіз біреу «күйдіретін спрейді» ауаға шашқан, алдын ала мәлімет бойынша, ол бұрышталған баллон», — делінген жарияланымда.
Зардап шеккен 16 жастағы тұрғынның айтуынша, ол ол жерден шығып кетуге тырысқан, алайда мыңға жуық адам кірген клубтың қосымша есігі бұғаттаулы болыпты, ал күзетшілер барлығын қайтадан ішке қуған. Зардап шеккен 10 адам ауыр халде жатыр.
