Интернеттегі алаяқтықтың жаңа түрі анықталды – Қазақстан жаңалықтары

0
15

Алаяқтар “Белый кролик” (Ақ қоян) деп аталатын, брендті сайттарда сауалнама жүргізу арқылы жүзеге асырылатын фишингтік жаңа схема құрды, деп хабарлайды Stan.kz ақпарат агенттігі.

карта

Мамандардың айтуынша, мұндай атау «Алиса в Стране чудес» (Алиса ғажайыптар елінде) ертегісіне ұқсас таңдалған, өйткені бәрі зиянсыз қадамдардан басталады.

Мысалы, әлеуметтік желілердегі алаяқтар жұлдыздардың атынан немесе жаңалық форматындағы жалған роликтердің көмегімен әлеуетті жәбірленушіге сайтта, мәселен, банк немесе ұялы байланыс операторында сауалнаманы толтырғаны үшін сыйақы ұсынады. Осыдан кейін клиент пошта арқылы ұтыс туралы хабарлама алады.

«Тексерілген ұйымның домені жоқ бір реттік сілтеме сайтқа логотиптерсіз әкеледі, бірақ клиент «ақ қоянға» сеніп, «қара нораға» түсіп, қырағылығын жоғалтады. Порталда алаяқ жүздеген рубльге «тестілік» төлемді, сондай-ақ интернет-банктің CVC-кодын немесе логин мен паролін нақтылауды сұрай алады», – дейді сарапшы.

Сарапшы бұл схеманың қауіптілігіне назар аударады, өйткені бұл күдік туғызбайды және банктің қауіпсіздік қызметіне оны қадағалау қиын.  Сондай-ақ, жаңа схеманы тек бір рет жұмыс істейтін сілтемелерден табу қиын болады. Себебі, алаяқтар әлеуметтік желілердегі аккаунтқа ашық қолжетімділіктің салдарынан зардап шегуші туралы барлық ақпаратты біледі, бұл сәтті афераның ықтималдығын арттырады. Мәселен, ата-анасының карталарын пайдаланатын жасөспірімдер құрбан бола алады.

Алаяқтар әлеуметтік эксперименттер, краудфандинг немесе әлеуметтік желілердегі қайырымдылық акциялар сылтауымен осындай іс- шараларға қатысатын жастардың сеніміне ие бола алады.

Алаяқтық схемадан қорғаудың тәсілдер – антивирустық бағдарламалық қамтамасыздандыруды пайдалану және жеке деректерді тек тексерілген сайттарда енгізу.

stan.kz