Иманғали Тасмағамбетов Абайдың қара сөзін оқыды

0

Қоғам

Қысқа сілтеме алу

0 0 0

Иманғали Тасмағамбетов ұлы ақын Абайдың 175 жылдығына орай шығармаларынан үзінді оқу эстафетасына қатысты

НҰР-СҰЛТАН, 13 шілде — Sputnik. Қазақстанның Ресейдегі елшісі Иманғали Тасмағамбетов Абай Құнанбаевтың «Қара сөздерінен» үзінді оқып берді.

Иманғали Тасмағамбетов 6-шы қара сөзді таңдаған екен. Онда бірліктің күші, оған қалай қол жеткізу керек және бұл жолда қандай кедергілер кездесетіні туралы айтылады.

«Мен поэзия эстафетасын досым Игорь мен Маралтай інімнен қабылдап, ұлы Абайдың алтыншы қара сөзіне тоқталсам», – деп елші ақынның қара сөзін ерекше ықыласпен жеткізді.

Тасмағамбетов эстафетаны өзінің жан досы, көрнекті мәдениет қайраткері Досхан Жолжақсыновқа жолдады.

Еске сала кетсек, танымал ресейлік продюсер Игорь Крутойға Абайдың өлеңдерінен үзінді оқу эстафетасын әлемге әйгілі қазақ әншісі Димаш Құдайберген жолдаған еді.

Тағы оқыңыз: Игорь Крутой Абайдың өлеңін оқыды – видео

Ұлы ақынның 175 жылдығына арналған эстафета желіде кең танымалдыққа ие болды. 

Челленджге Қазақстан президенті Қасым-Жомарт Тоқаев, ақпарат және қоғамдық даму министрі Дәурен Абаев, білім және ғылым министрі Асхат Аймағамбетов те қатысқан.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз