Иманбек есімін көшеге беру туралы: Көпшілік қаласа да, мен оған барынша қарсы боламын. Менікі керемет жетістік емес

Ақсу қаласының Грэмми иегері Иманбек Зейкенов өзінің құрметіне көше мен мектептің атын өзгерту ұсынысына көзқарасы туралы айтты, деп хабарлайды Orda.kz.

— Менің есімімді көше немесе мектепке беру туралы айтар болсам. Көпшілік қаласа да, мен оған барынша қарсы боламын. Бұл менің атыма көше атын беретіндей керемет жетістік емес. Менің ойымша, бұл ақшаны ысырап ету. Мен кіммін, менің атыммен мектеп аталатындай мен ғалым емеспін. Бұл іс  мағынасыз, – деді Зейкенов.

Сонымен қатар ол айтылған сын туралы да пікір білдірді.

— Бұл туралы біраз адам пікір жазды. Иә, бұл дұрыс емес, дегенмен  жеке басты қорлауға бармаңыз. Бұл менің бастамам емес. Кейбіреулер мен туралы: «Ол жалпы алғанда онша дарынды емес» деп жазды. Бұл өрескел және орынсыз, – деді Иманбек.

Естеріңізге сала кетсек, бұл ұсынысты экономист Арман Байғанов айтқан болатын.

— Көптеген қазақстандықтар біздің жерлесіміз Иманбек Зейкеновтің жетістігіне қуанды. Ол оқыған мектеп немесе көшеге — елдің танымал спортшылары мен мәдениет қайраткерлері сияқты оның есімін беруді ұсынамын.

Бұл жас ұрпаққа үлгі болады, сіз еңбегіңіз бен табандылығыңыздың арқасында жақсы нәтижелерге қол жеткіздіңіз, ал қазіргі уақытта әлемде адам капиталы жоғары, – деп жазды қаржы кеңесшісі.

Грэмми сыйлығын алып, күтпеген даңққа ие болғанымен, теміржол вокзалында істейтін қарапайым қазақ жігіті жұлдыз болып кеткен жоқ. Ол әкім берген ақшалай сыйлықты да  қайырымдылыққа жұмсады.