Ильхам Әлиев ШЫҰ саммитіне қатысу үшін Астанаға келді
![](https://kznews.kz/wp-content/uploads/2024/07/IMG_6334-905x613.webp)
Әзербайжан Президенті Ильхам Әлиев Шанхай ынтымақтастық ұйымына мүше мемлекеттер басшылары кеңесінің 24-ші отырысына қатысу үшін Астанаға келді. Әуежайда оны Қазақстан Премьер-Министрінің орынбасары Қанат Бозымбаев қарсы алды.
Қазақстан мен Әзербайжан арасында бүгінгі таңда екіжақты тауар айналымының тұрақты өсімі қамтамасыз етілген. Мәселен, 2023 жылдың қорытындысы бойынша өзара сауда 14,4%-ға өсіп, $529,4 млн-ға жетті.Биыл да оң үрдіс сақталуда: 4 айда тауар айналымы 0,5%-ға – $184,9 млн-ға дейін өсті.
![Ильхам Әлиев ШЫҰ саммитіне қатысу үшін Астанаға келді Ильхам Әлиев ШЫҰ саммитіне қатысу үшін Астанаға келді](https://img.inform.kz/kazinform-photobank/media/2024-07-03/c62bf675-3682-4558-a269-9d0185d9563a.jpeg)
Бұдан өзге, бүгінде Әзербайжан аумағы арқылы Еуропа бағытында қазақстандық мұнайды жеткізу жолға қойылған. Осы жылдың қаңтар-сәуір айларында барлығы 494 мың тонна мұнай жөнелтілді.