Хамитов — Тоқаев: 30 жыл бойы бізді тонап, өлтіргендерді қалай атаймыз?

0
1442

Қазақстандық аралас жекпе-жек iшебері Қуат Хамитов Instagram желісінде Мемлекет басшысы Қасым-Жомарт Тоқаевқа мәлімдеме жасады. Бұл туралы kznews.kz сайты Bugin.kz порталына сілтеме жасап хабарлайды.

— «Бүгін мен президентке үндеу жолдағым келеді және одан осы тәртіпсіздікті тоқтатуды сұраймын».

Нақты: «коменданттық сағат және лаңкестікпен болжамды күрес». Мен адамдардың арасында террористер жоқ деп есептеймін. Қазір айналада болып жатқан жайт құқық қорғау органдарына еркіндік беріп, енді нағыз заңсыздықпен айналысып, митингіге мүлдем қатыспаған адамдарды алып кетіп, ұрып-соғып, қылмыс жасадым деп мойындауға мәжбүрлеуде. Ол жерге (полиция бөліміне) жеткендер, қаласаңдар да, қаламасаңдар да (өздеріне) бәрін алады. Халық үш күн бойы қаланы тонап, лаңкес болып кетсе, 30 жыл бойы бізді тонап, өлтіргендерді қалай атаймыз?», — деді Қуат Хамитов.

Бұған дейін Хамитов қамауға алынғаннан кейін спорттық карьерасын тоқтататынын мәлімдеген болатын.