Халықаралық Олимпиада комитетінің президенті Тоқаевты құттықтады
Қысқа сілтеме алу
Томас Бах Қазақстан президентінің спортқа деген ықыласын атап өтті
НҰР-СҰЛТАН, 18 шілде — Sputnik. Халықаралық Олимпиада комитетінің президенті Томас Бах Қазақстан президенті Қасым-Жомарт Тоқаевқа құттықтау хат жолдады.
«Аса ірі спорт ұйымының басшысы Қасым-Жомарт Тоқаевтың президент лауазымына тағайындалуына орай жылы лебіз білдіріп, алдағы қызметіне табыс тіледі.Томас Бах Қазақстанның олимпиадалық қозғалыстағы белсенділігіне жоғары баға беріп, президент Қасым-Жомарт Тоқаевтың спортқа деген ықыласын атап өтті», — деп хабарлады президенттің баспасөз хатшысы Берік Уәли.
Хатта ХОК-тің Қазақстан үкіметімен және Ұлттық олимпиадалық комитетімен тығыз әрі жемісті ынтымақтастықты одан әрі жалғастыруға ниетті екені айтылған.
Тағы оқыңыз: АҚШ президенті Тоқаевқа жеделхат жолдады
Айта кетейік, Тоқаев 13 жыл Қазақстанның үстел теннисі федерациясын басқарды.
Мамырда Қазақстан президенті Батыс Қазақстан облысына жұмыс сапары барысында жас оралдықтармен теннис ойнады.
sputniknews.kz
