Halyk Bank ғимаратында жұмыс істеген қызметкерден коронавирус табылды

0

Қоғам

Қысқа сілтеме алу

0 0 0

Коронавирус жұқтырған алматылық қызметкер мен онымен араласқан барлық азамат карантинге жатқызылды

НҰР-СҰЛТАН, 16 наурыз – Sputnik. Halyk Bank ғимаратында консультант болып істеген алматылықтан коронавирус табылды. Бұл туралы банктің PR-қызметі хабарлады. Науқас бұған дейін коронавирус жұқтырған тоғыз адамның бірі.

«COVID-19 коронавирустық инфекциясын жұқтырғандардың бірі Алматы қаласындағы банк ғимаратының бірінде кеңес беру қызметін ұсынатын сыртқы ұйымның қызметкері екенін халыққа хабарлау қажет деп санаймыз», – делінген ұйымның ресми сайтында.

Денсаулық сақтау министрлігінің әрекет ету алгоритміне сәйкес, вирус жұқтырған науқас пен онымен байланысқан барлық қызметкер қазіргі уақытта оқшауланған, карантинде жатыр.

Halyk Bank науқас та, жақын жерде болған банк қызметкерлері де  клиенттермен тікелей байланыста болмағанын хабарлады.

Банк клиенттер мен қызметкерлер денсаулығының барынша қауіпсіздігін қамтамасыз етуге бағытталған тиісті шараларды қолға алды. Кеңсе және бөлімшелерде үнемі санитарлық тазарту жүргізіледі.

Банк бөлімшелері мен банкоматтар қалыпты режимде жұмыс істейді, барлық операция клиенттерге қолжетімді.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз