Головкин «Канеломен» екінші жекпе-жек үшін қанша гонорар алды?

0
106
Спорт

Қысқа сілтеме алу

201 0 0

Головкин – «Канело» екінші кездесуі биыл 15 қыркүйекте Лас-Вегас қаласында болған еді

АСТАНА, 20 қараша – Sputnik. Қазақстандық боксшы Геннадий Головкин (38-1-1, 34 КО) мексикалық Сауль Альвареспен (50-1-2, 34 КО) екінші кездесуі үшін қанша гонорар алғаны жарияланды, деп жазады Sports.kz.

The Ring журналының инсайдері Майк Коппинджер айтқандай, «Канеломен» рематчы үшін Головкиннің гонорары 30 миллион доллардан артып жығылған. Ал мексикалық боксшының қанша сыйақы алғаны әлі хабарланған жоқ, дегенмен, шетелдік тілшілердің жазуынша, ол 35 миллион доллардан кем пайда тапқан жоқ.

Головкин — «Канело» екінші жекпе-жегі Лас-Вегас қаласындағы T-Mobile Arena рингінде биылғы жылдың 15 қыркүйегінде болды. Кездесу төрешілердің басым көпшілігінің дауысымен мексикалық былғары қолғап шеберінің пайдасына шешілген.

Естеріңізге сала кетсек, алғашқы матч 2017 жылы 16 қыркүйекте дәл сол шаршы алаңда өткен болатын. Қазір GGG үшінші жекпе-жектен үміттеніп отыр, алайда «Канело» промоутерлерінің жоспары басқа сияқты.

«Канелоның» допинг-тесттен өтпегені әшкере болды