Германияда көз жұмған экс-судьяның денесі елге жеткізіледі

Германияда қаза тапқан Айгүл Сайлыбаеваның денесі Қазақстанға жөнелтіледі. Бұл туралы Kznews.kz ақпарат агенттігі Қазинформға сілтеме жасап хабарлайды.

Бұл туралы марқұмның ағасы Жанат Сайлыбаев айтты. Ол қазір Германияда жүргенін және Айгүл Сайлыбаеваны туған елінде жерлеу үшін денесін Алматыға жөнелту мәселесімен айналысып жатыр.

Еске салсақ, бұған дейін Германияда тұратын қазақстандық әйел із-түссіз жоғалып кеткені туралы жазған едік. 17 маусым күні әйелдің денесі қала шетіндегі карьерлердің бірінен табылды. Мәйіт полиэтилен пакетте оралған күйде табылған.