Ержан Максим Қазақстаннан кететін болды

0
916

Жас әнші Мәскеуде продюсер әрі композитор Игорь Крутойдың академиясында оқитын болады

НҰР-СҰЛТАН, 5 қыркүйек — Sputnik. Жас қазақ әншісі Ержан Максим отбасымен Мәскеуге көшетін болды, деп хабарлайды «Мой город» порталы.

Ресейдің астанасында Ержан бес жыл тұруды жоспарлап отыр.

«Ержан Игорь Крутойдың музыка академиясында оқитын болады. Ол жақта пәтер жалдап тұрамыз», – деп атап өтті Ержанның анасы Гүлмира Әлібек.

Оның айтуынша, қазір 12 жасар Ержан Максим Балалар Евровидениесіне дайындалып жатыр.

Тағы оқыңыз: Ержан Максимнің анасы Тасмағамбетов баласына қандай ақыл бергенін айтты

Еске сала кетсек, талантты жасөспірім Ресейдің «Голос.Дети» шоуына қатысқаннан кейін Игорь Крутойдың академиясында оқуға шақырту алған болатын. Димаш Құдайбергенмен бірге жұмыс істейтін танымал композиторды Ержан Максиммен Қазақстанның Ресейдегі елшісі Иманғали Тасмағамбетов таныстырған.

Игорь Крутойдың 2015 жылы құрылған танымал музыка академиясында дарынды бүлдіршіндер вокал, актерлік шеберлік бойынша білім алады, сондай-ақ телевидениеде жұмыс істеп, кәсіби блогер болуды үйренеді.

Ержанның шығармашылық жолы

Ержан Максим Бірінші арнадағы «Голос.Дети» шоуына қатысқаннан кейін танымалдыққа ие болды. Бастапқыда байқаудың жеңімпазы Микелла Абрамова атанып, Ержан Максим екінші орын алған еді. Артынша шоу қорытындысына заңсыз дауыс жинау әсер еткені анықталды.

Тағы оқыңыз: Ержан Максимнің анасы жұрттың бәрі баласына неге күлгенін айтты

«Голос.Дети» байқауының арнайы бөлімінде Ержан мен басқа қатысушылар жеңімпаз деп жарияланды. Жасөспірім 2007 жылы 6 қыркүйекте Орал қаласында дүниеге келген.



sputniknews.kz