Ер адам алдап-сулап 5 жасар баланың қымбат телефонын мың теңгеге алған

0
89

Түркістанда арам ниетті ер адам 5 жасар баладан қымбат телефонын мың теңгеге сатып алған.

Полицияға жергілікті тұрғын шағымданды. Айтуынша, оның үйіне бейтаныс ер адам келіп, 5 жасар немересіне мың теңге беріп алдап қымбат ұялы телефонын алып кеткен.

Материалдық шығын шамамен 150 мың теңгені құрады.

Аталған факті ҚР ҚК 190-бабы (алаяқтық) бойынша тіркелген.

Жедел-атқару шараларының арқасында полицейлер бірнеше сағаттан соң күдіктіні қолға түсірді. Ол Қызылорда облысының тұрғыны болып шықты.

Ұялы телефон заңды иесіне қайтарылды. Артынша күдіктінің осы уақытқа дейін төрт пәтерді тонағаны үшін іздестіріліп жатқаны анықталды. Тергеу материалдары сотқа жолданды.