Еңбек демалысына да шыға алмайды: Бір түн ішінде екі баланы құтқарған ақтаулық дәрігер туралы досы айтып берді – Қазақстан жаңалықтары

0

Маңғыстау облысындағы «жалғыз» балалар дәрігері нейрохирург Ербол Кенжевалов он бір сағат бойы кезекпен екі қыздың өмірі үшін күресіп, сақтап қалды, деп хабарлайды Stan.kz ақпарат агенттігі.

Бұл туралы дәрігердің досы Азамат Сәрсенбаев айтып берді.

«Кез келген уақытта қалаған тақырыпта әңгіме өрбіте алатын жақын достарымның бірі, сонымен қатар Маңғыстау облысындағы «жалғыз» балалар дәрігері нейрохирург Ербол Кенжевалов кеше толық 11 сағат ішінде кезекпен екі қыздың өмірін сақтап қалды», – дейді Азамат Сәрсенбаев.

Оның сөзінше, 3 наурыз күні сағат 17:20-да Маңғыстау облыстық балалар ауруханасының қабылдау бөліміне шұғыл түрде 2013 жылы туған қыз жеткізілген, диагнозы – «сол жақ сүйегінің жаншылған фрагменттік сынығы, бас миының ауыр дәрежедегі соққысы», ол жол апаты салдарынан жарақат алған. 

Бір сағат ішінде балалар ауруханасының дәрігерлері науқасты шұғыл операция жасауға дайындай бастаған.

«Содан кейін бірден нейрохируг дәрігер «II дәрежелі кома, ауыр дәрежедегі геморрагиялық анемия» диагнозымен сағат 12:40 келіп түскен, инсульт алған үш айлық нәрестенің басына екінші ота жасауға кірісті. Маңғыстау облыстық балалар ауруханасының реаниматологтары мен нейрохирургінің бірлескен және үйлесімді жұмысының арқасында екі операция сәтті өткізілді», – дейді нейрохирургтің досы.

Азамат Сәрсенбаевқа Ербол Кенжевалов екі отаны шамамен бір мезгілде алғаш рет өткізгенін және қатты шаршағанын айтқан.

«Бірақ бұл жағдайдың кері жағы да бар. Маңғыстау облысы денсаулық сақтау басқармасының баспасөз хатшысы болған кезімде Ербол маған жұмысының өте қиын екенін айтты, облыстағы жалғыз балалар нейрохирургіне түсетін жүктеме өте зор, тыныш демалмауға,  тыныш еңбек демалысына шыға алмайды, тіпті өзін-өзі жетілдіруге мүмкіндігі жоқ және ауысымда жұмыс істейтін одан басқа барлық дәрігерлер баратын форумдар мен тренингтерде өз біліктілігін арттыра алмайды… Бұған бірнәрсе қолдану керек. Бір күні шаршағандықтан бір қателік жіберуінен Құдай сақтасын!» , – деді Азамат Сәрсенбаев.

Ербол Кенжевалов Маңғыстау облысындағы жалғыз нейрохирург, ол 150 мың адамның өміріне жауап береді. Оның операциялық үстеліне ең ауыр жарақат алған, өмірі қыл үстінде тұрған балалар түседі. Дәрігер өлімнен көптеген баланы аман алып қалған.

Ербол Кенжевалов аптасына бес күн жұмыс істейді, ал егер демалыс күндері кенеттен көмек қажет болса, оны жұмыс орнына шақырады. Сонымен қатар, сенбі күні түстен кейін, заңды демалыс күнінде ол палатаға келіп, науқастарын қарап, жарақаттарын таңады.

 

 

stan.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз