елордалық көліктің айыппұлы полицияны шошытты

0

Астаналық полицейлер жол ережесін жиі бұзатын жүргізушіні ұстап, оған 6 миллион теңге көлемінде айыппұл салды

НҰР-СҰЛТАН, 4 желтоқсан – Sputnik. Елордалық тәртіп сақшылары 98 рет жол ережесін бұзған көлік иесін құрықтады, деп хабарлады Нұр-Сұлтан қаласы полиция департаментінің баспасөз қызметі.

Үшінші желтоқсан күні полиция «Volvo Xc90» маркалы автокөлікті тоқтатыпты.

«Бейнебақылау камераларын тексеру барысында автомобильдің жол ережесін бұзғаны анықталды. Ал көлік құжатын тексерген кезде машина жүргізушісінің 6 миллион 95 мың 350 теңгеге 98 рет жол ережесін бұзғаны белгілі болды», – деп хабарлайды қалалық полиция департаментінің баспасөз қызметі.

Сондай-ақ, тәртіп сақшылары жол ережесін жиі бұзатын тағы бір көлік жүргізушісін ұстапты.

«Патрульдік полицейлер «Lexus LX 570″ маркалы автомобильді тоқтатты. Тексеріс барысында жүргізуші жалпы соммасы 2 миллион 489 мың 650 теңгеге 49 рет жол ережесін бұзғаны анықталды», – делінген хабарламада.

Тағы оқыңыз: Нұр-Сұлтанда жантүршігерлік жол апаты болды – видео

Қазіргі таңда қос автокөлік айыппұл тұрағына жеткізілді.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз