Еліміздің үш облысында дауылды ескерту жарияланды – новости Казахстана

0

Қазақстандықтарды алда -38 градусқа дейін жететін суық күтіп тұр. Синоптик мамандар суықтың әсіресе Ақмола, Қарағанды, Түркістан, Шығыс Қазақстан облыстарында және Астанада күшейетінін айтып, дабыл қақты деп хабарлайды «Қазгидромет» орталығына сілтеме жасаған NUR.KZ.

Фото:© Sputnik / Алексей Мальгавко

Фото:© Sputnik / Алексей Мальгавко

21 желтоқсаннан 22-не қараған түні Шығыс Қазақстанда ауа температурасы -33-38 градусқа дейін түспек.

Ал Ақмола облысының оңтүстік бөлігінде аяз күшейіп, күн 30-33 градусқа дейін суытады.

Қарағанды облысында аяз күші 30-35 градусқа дейін күтілуде.

Астанада 21 желтоқсан күні кешке ауа температурасы 30-32 градусқа жетеді. Сондай-ақ елордада дауылдық ескерту жарияланды.

Сондай-ақ Түркістан облысының тұрғындарына да 21 желтоқсан күні дауылдық ескерту жарияланған жөнінде хабарлама жолданған.