Еліміздің бірнеше өңірінде шенеуніктер ұсталып жатыр
Сыбайлас жемқорлыққа қарсы қызмет үш өңірде бірнеше лауазымды тұлғаны ұстады, деп хабарлайды kznews.kz сайты.
Атап айтқанда, Шығыс Қазақстан облысы ауыл шаруашылығы басқармасының басшысы В. Гайламазян, Жамбыл облысы ауыл шаруашылығы басқармасы басшысының орынбасары Е. Кулкеев және Маңғыстау облысы ауыл шаруашылығы басқармасы басшысының орынбасары Б. Ізімтаев ұсталды.
ҚПК 201-бабына сәйкес өзге ақпарат жария етілмейді.
Шенеуніктерге нақты қандай айып тағылып отырғаны әзірге белгісіз.
