Елде коронавирус жұқтырғандар саны 3 273 адамға жетті

0
17

Қоғам

Қысқа сілтеме алу

6 0 0

Қазақстанда коронавирус инфекциясын жұқтырғандарған тағы 68 адам анықталды. 829 адам жазылып, ауруханадан шықты

НҰР-СҰЛТАН, 30 сәуір –Sputnik. Қазақстанда барлығы 3 273 адам коронавирус жұқтырды, деп хабарлады мемлекеттік комиссияның шұғыл штабы.

«Елде тағы 68 адамда COVID-19 расталды. Нұр-Сұлтан қаласында – 4, Алматы қаласында – 44, Шымкент қаласында – 2, Маңғыстау облысында – 2, Алматы облысында – 13, Жамбыл облысында үш адамнан коронавирус инфекциясы анықталды», – деп жазылған хабарламада.

Еске сала кетсек, кеше, 29 сәуір күні өткен брифингте Қазақстанның бас мемлекеттік санитар дәрігері Айжан Есмағамбетова сәуірдің соңына дейін Қазақстан бойынша коронавирус жұқтырудың 3 500 жағдайы тіркеледі деген болжам айтты. Ал мамырдың аяғына дейін 5 300-дей болады.

Сондай-ақ, ол COVID-19 вирусына үйрену керектігін жеткізді.

Бас санитар дәрігер карантинді алып тастаса да, коронавирус ешқайда кетпейтінін мәлімдеді. Енді коронавирус маусымдық аурулардың қатарына өтетінін айтты.



sputniknews.kz