Ефремов өзінің кінәсінен қаза тапқан жүргізушінің отбасынан кешірім сұрамады — Қазақстан жаңалықтары

Ресейдің еңбек сіңірген әртісі Михаил Ефремов Мәскеудің орталығында болған апатта өзінің кінәсінен қаза тапқан жүргізуші Сергей Захаровтың отбасынан кешірім сұрамады. Актер түсіп қалған видеоны «Мәскеу 24» порталы жариялады, деп хабарлайды Stan.kz ақпарат агенттігі. 

Ондағы кадрларда актер бес сағаттық жауап алғаннан кейін бірнеше полицейдің еріп жүруімен үйіне қайтып келеді. Ол баспалдаққа көтеріліп бара жатқанда, оны журналистер қуып жетіп, болған оқиға туралы сұрақтар қояды және олар Захаровтар отбасынан кешірім сұрауды ұсынады. Ефремов жарияламау туралы қолхат бергенін айтты.

Осыдан кейін журналистер бір-бірінің сөзін тыңдамай, актерге бұл оның кешірім сұрауына кедергі келтірмейтінін айтады. Ефремов жауап бермейді, пәтерге үнсіз кіріп кетеді, полиция камералардың алдында есікті жауып тастайды.

Еске салайық, 8 маусымда кешке Ефремов мас күйінде Мәскеу орталығында жол апатын жасады. Оның жол талғамайтын көлігі қарама-қарсы жолға шығып, фургонға соғылды, жүргізушісі қан жоғалтуына байланысты ауруханада көз жұмған. Ефремов зардап шеккен жоқ, оны үй қамауына жіберді.