Джереми Корбин Brexit бойынша екінші референдумға дайын
![](https://kznews.kz/wp-content/uploads/2019/02/0298B8BA-6EE2-47DB-A30E-95C1E8A8436D_w1200_r1_s.jpg)
Ұлыбританияның ең ірі оппозициялық Лейбористік партиясының жетекшісі Джереми Корбин парламентте, егер сәрсенбіде елдің Еуропа одағынан (ЕО) шығу туралы келісім жобасы кері қайтарылса Brexit бойынша екінші рет референдум өткізуге ұсыныс жасайтынын мәлімдеді.
BBC мұны елеулі жаңалық деп санайды, себебі Корбин бұған дейін екінші референдумға қызығушылық танытпаған. Әзірге лейбористер екінші референдумға қатысты ұсыныстарының мән-жайын ашып айтпай отыр.
Ұлыбритания премьер-министрі Тереза Мэй елді Еуроодақтан шығару бойынша келісімге қатысты жиі сыналады. Келісімді сынаушылардың айтуынша, сауда, көші-қон, шекара мәселелері бойынша құжаттағы шарттар Ұлыбританияның мүддесіне қайшы келеді. Ұлыбритания 2019 жылы 29 наурызда Еуроодақтан шығады.