Дулат Исабековтың жары дүниеден озды

0
1317

Жазушы, драматург Дулат Исабековтің жары Нұрғайша Жармұқамедова өмірден өтті. Қаралы хабарды мәжіліс депутаты Қазыбек Иса естіртті.

«Қазақ әдебиетінің классигі Дулат Исабековтің үйіндегі жеңгеміз Нұрғайша Жармұқамедова қайтыс болды деген хабар қабырғамызды қайыстырып кетті. Ол кісі ауырып жүрген жоқ еді, бүгін таңертең жүрегі ұстап қалды

Жақында ғана көкемізге сәлем беруге үйге барғанда жарқылдап жүріп қарсы алып, сексенге келсе де сергектігін көрсетіп, келіндерден бетер жүгіріп, дастарханын жайып шығарып салып еді», – деді Қазыбек Иса.

Дулат Исабеков пен Нұрғайша Жармұқамедованың Естияр есімді ұлы, Айман және Шолпан деген егіз қызы бар. Үш баладан немере, шөбере сүйіп отырған Дулат Исабеков қазір 80 жаста.

Дулат Исабеков пен Нұрғайша Жармұқамедова жоғары оқу орнында танысқан. Дулат Исабеков жарынан бір курс жоғары оқыған. Ерлі-зайыпты Алматыда 1966 жылы отбасын құрған.

Kznews.kz сайты қазақ қоғамына, жазушы Дулат Исабековке қайғыра көңіл айтады! 

(Фото, ақпарат nege.kz сайтынан алынды)