Дүйсенбі күні Қазақстан аумағында тұрақсыз ауа-райы сақталмақ

«Қазгидромет» РМК 4-наурыз күні еліміздің аймақтарында болатын ерекше метеорологиялық құбылыстарға болжау жасады, деп хабарлайды Zakon.kz.

Қазақстанның басым бөлігінде атмосфералық ағымдардың өтуіне байланысты ауа райы тұрақсыз болады, жауын-шашын жауады, оңтүстік өңірлерде күндіз тауда қатты жаңбыр күтіледі. Кей жерлерде тұман, көктайғақ, бұрқасын күтіліп, жел күшейеді.

Ақмола, Солтүстік Қазақстан, Павлодар облыстарында жел 15-20, кей жерлерде екпіні 23-28 м/с, кей жерлерде – бұрқасын, тұман, көктайғақ күтіледі.

Қостанай, Қарағанды облыстарында кей жерлерде бұрқасын, көктайғақ болады, жел 15-20 м/с, Қарағанды облысының кей жерлерінде тұман күтіледі, Қостанай облысында кей жерлерде жел 23 м/с күшейеді.

Түркістан, Жамбыл облыстарының кей жерлерінде тұман күтіледі, жел 15-20 м/с, екпіні 25 м/с күшейеді.

Алматы облысының кей жерлерінде тұман күтіледі, Жалаңашкөл ауданында жел 15-20 м/с күшейеді.

Батыс Қазақстан, Ақтөбе облыстарының кей жерлерінде бұрқасын, жел 15-20 м/с күтіледі.

Қызылорда облысының кей жерлерінде тұман, көктайғақ күтіледі, жел 15-20 м/с күшейеді.

Маңғыстау облысының кей жерлерінде тұман күтіледі.

Күндіз Атырау облысында жел 15-20 м/с күшейеді.

Telegram арнасындағы маңызды жаңалықтар «zakon.kz». Жазылу!