Досымжан Таңатаров сырт көз үшін 30 мың долларлық сағат тағатынын айтты — Қазақстан жаңалықтары

Әбдіжаппар Әлқожа үстіндегі киімін арнайы Италиядан алдыртып жүрсе, Досымжан Таңатаров ондайға аса мән бермейтін сыңайлы. Әнші үстіне қонымды әрі ыңғайлы киімді таңдайды. Алайда киіміне қарап бағалайтындар үшін Таңатаров басқа амал тапқан. 

Бұл туралы «Астана» арнасының «Ел аузында» бағдарламасына сілтеме жасап Stan.kz хабарлайды. 

«Менің өзім брендпін. Оған әкеліп қосымша жарнамасы көп дүниені аса қажеттілікті қаламайтын жанмын. 

Сол бір адамдар үшін ғана танымал брендті аламын. Өйткені кей адамдар санасады. Бәрі бірдей емес, бірақ кей адамдар тіптен менің костюмімнің ішін, сағатыма дейін қарайтындарды да көргем. Ол адамдар үшін кейде алып қоямын.

Мысалы, 30 мың долларлық сағат, 5 мың долларлық костюм шалбар, 100 мыңдық туфли бар. 

Жалпы күнделікті өмірде өзіме қалай жарасымды, солай киінемін. Ақыл айтатын жанымда жолдасым бар. Дөп түсіп жатса, ала беремін. Үстіңде нық тұрса, өзіңе жарасымды, әріңді келтіріп тұрса, киіне беремін», — дейді ол. 

Қазақстандық жұлдыздардың өмірі жайлы t.me/kzshow арнамыздан оқыңыздар.