Домбырамен терме орындаған Бүркіт елді таңғалдырды (видео) — Қазақстан жаңалықтары

Шығыс стиліндегі әндерімен танылған Бүркіт бұл жолы елді басқа қырымен таңғалдырды. Әнші домбырамен терме орындады, деп жазады Stan.kz.

Архивтегі видеосын әнші желідегі парақшасында жариялады. Онда Бүркіт әйгілі Кете Жүсіптің «Үш ағайын» атты термесін домбырамен орындаған. 

Мұны көрген желі қолданушылары Бүркітті өзге қырынан танығандарын айтып, таңдай қағуда. 

«Аға, керемет терме айтады екенсіз ғой, сегіз қырлы, бір сырлы. Терме айтқан жарасады. Небір ақын-термешілер біздің Тараздан шыққан», — дейді оқырмандардың бірі. 

«Сізді домбыра тартады деп ойламаппын, сөз жоқ», — деп таңданысын жасыра алмады екіншісі.