Денсаулық сақтау министрлігі дәрігерлердің «жұмыс киімдеріндегі» видеоға түсініктеме берді — Қазақстан жаңалықтары

0

Әлеуметтік желілерде дәрігерлердің қоқыс целлофандарынан жасалған қорғаныш костюмдеріндегі видеосы үлкен резонанс тудырды. Пайдаланушылар бұл видео Қазақстанда түсірілген деп мәлімдеді, бірақ денсаулық сақтау министрлігі бұл ақпаратты жоққа шығарды, деп хабарлайды Stan.kz ақпарат агенттігі.

Видео shock_krg Instagram парақшасында жарияланды. Белгісіз біреу дәрігерлерді целлофан пакеттерінен, скотч ленталарынан және аспаздық пленкалардан жасалған қорғайтын костюмдерімен түсіріп алды. Автор мұны онкологиялық аурухана деп мәлімдейді және дәрігерлердің мұндай жағдайда жұмыс істеуіне мәжбүр болғанына наразы.

 

Сонымен бірге, бейнетаспадағы дәрігерлер бет-жүздерін көрсетпеуін өтінді, оған видео авторы тек маска киген фельдшерлерді түсіріп жатқанын айтты.

Жарияланған видеоның астында оның шетелдік ақпараттық ресурстарда таралып жатқандығы айтылады.

«Осы уақытта біз бүкіл әлемге масқара болдық. Қазақстандағы дәрігерлердің өзін қалай қорғайтынын көрдіңіз. Біздің дәрігерлер қоқыс целлофандарынан, аспаздық пленкалардан және скотч ленталарынан өздеріне қорғаныс костюмдерін жасауда», — деп жазды автор.

Vastane.kz инстаграмындағы парақшасында бұл видео пайда болды. Пікір жазушылар бұл видео Таразда түсірілген деп мәлімдеді.

ҚР денсаулық сақтау министрлігі бұл видео Қазақстанда түсірілмегенін мәлімдеді.

«Бұл видео Қазақстанда түсірілген жоқ. Бұл жалған», — деді Sputnik Қазақстанға денсаулық сақтау министрлігінің ресми өкілі Диас Ахметшәріп.

Естеріңізге сала кетейік, 8 сәуір күні таңертең Facebook желісінде Жамбыл облысы Меркен орталық аудандық ауруханасында жұқпалы аурулар жөніндегі маман Толқынай Ордабаеваның мақаласы пайда болды. Ол коронавирусқа қарсы ақша бөлініп, аударылғанына қарамастан, бұл аймақта сынақтар мен емдеу құралдары жоқ деп мәлімдеді. Әйелдің айтуынша, Меркен орталық аудандық ауруханасының әкімшілігі қысым көрсетіп, медициналық қызметкерлердің өздеріне бетперде тігіп, өңдеуге мәжбүр еткен.

Оның шағымына денсаулық сақтау министрлігінің басшысы Елжан Біртанов жауап берді. Ол мәселені жедел шешіп, жеке бақылауында ұстауға уәде берді.

 



stan.kz