Дене шынықтыру пәнінің мұғалімі студентті соққыға жықты

Қазіргі таңда ұстаз сабақтан босатылды, оның іс-әрекетіне Алматы облысы білім басқармасының комиссиясы баға береді

АСТАНА, 11 қаңтар — Sputnik. Жаркентте көпбейінді колледждің дене шынықтыру пәні мұғалімі студентті ұрып-соқты.

Шәкірттердің бірі оқиғаны ұялы телефонына түсіріп алып, әлеуметтік желілерде таратып жіберген. Видеода спорт киіміндегі ер адам жас жігітті бұрышқа тықсырып, аяусыз ұрып жатқаны көрінеді, сонымен қатар студентті балағаттаған.

«19-шы орта кәсіптік техникалық училищесінің (СПТУ) мұғалімдері балалармен осылай қарым-қатынас жасайды. Бұл бүгін бізде Жаркентте болған», — деп жазды видеоролик авторы. 

Алматы облысының әкімдігі хабарлағандай, аталған факті бойынша дене тәрбиесі пәні мұғалімі сабақтан шеттетілді.

Оқушының анасы баласына ескерту жасаған ұстазды аяусыз ұрып-соққан

Қазіргі таңда оқу орнына облыстық білім басқармасының  комиссиясы аттанды. Тексеріс қорытындысы бойынша колледж басшылығы мен  педагогқа қатысты шара қабылданады.