Дәурен Айдарқұлов үшінші әйел алғалы жатыр

Отандық актер Дәурен Айдарқұлов бұрынғы екі әйелімен әлі күнге араласып тұратынын және қазіргі таңда үшінші әйел іздеуде екенін жасырмады, деп жазады kznews.kz сайты nur.kz порталына сілтеме жасап.

Өнер иесінің айтуынша, ол ата-анасымен бірге тұрады.

«Отбасылық өмірдегі қателіктеріммен бөлісуді бастамас бұрын, мен қазіргі болып жатқан жағдайды сипаттағаным дұрыс болар деп шештім. Сонымен, мен туралы бірнеше фактілердің біріншісі, ата-анаммен бірге тұрамын», — деп жазды актер.

Айдарқұлов оқырмандарымен екінші некедегі балаларының ата-әжесімен бірге тұратынын да ашып айтты.

«Бірінші және екінші бұрынғы әйелдермен араласып тұрамын. Қарым-қатынас жақсы. Екінші некедегі балалар ата-анаммен, яғни бізбен бірге тұрады. Бұл Ақбота екеуміздің уақытша, ортақ шешіміз. Мен де, ол да сапарда жиі боламыз, кинога түсеміз. Сол себепті бұл ең дұрыс шешім болды. Ата-анам мен Әйгерім қарындасыма үлкен рахмет айтқым келеді. Бұрынғы әйелдерімнің біріншісі де, екіншісі де бізге қонаққа келіп тұрады.

Бірінші және екінші некедегі балалар бірге ойнайды. Әр некедегі балалардың бірге өсіп, бір-бірін сүйіп, бағалай білуі өте маңызды. Осы жерде мен бірінші және екінші бұрынғы әйелдеріме түсіністікпен қарағандары үшін рахмет айтқым келеді. Мұны әркім жасай алмайды. Бірінші некедегі балалар біздің үйге жақын жерде тұрады. Бұл үшін бірінші әйеліме ерекше алғыс айтқым келеді. Ол Астанадан көшіп келгеннен кейін, біздің үйге жақынырақ пәтер сатып алуды шешті», — деді актер.

Сондай-ақ актер қазіргі таңда өзіне үшінші әйел іздеп жүргенін жасырмады.

«Қазіргі уақытта болашақ жар іздеудемін», — деп жазбасын аяқтады Айдарқұлов.

Айта кетейік, осыған дейін Дәурен Айдарқұлов отбасынан ажырасқанына өкінетінін айтқан болатын.