Дәулет Тұрлыхановтың ұлының ісі: жәбірленуші жаңа мәлімдеме жасады

Дәулет Тұрлыхановтың ұлы Нұрасыл Болаттың қолынан күйеуі Олег Черновпен бірге жапа шеккенін мәлімдеген алматылық заңгер Анна Дмитриевич істің тергелу барысын айтты, — деп хабарлайды Tengrinews.kz тілшісі Kznews.kz сайтына сілтеме жасап.

Еске салайық, оқиға 11 ақпанға қараған түні Алматыдағы сауда орталықтарының бірінің жанындағы көлік тұрағында болған. Бұл іс резонанс тудырды.

«Қылмыстық істі тергеу аяқталып, танысу сатысына өтті, содан кейін ол сотқа жіберіледі. Біріншіден, біз барлық Қазақстан халқына қолдау көрсеткені үшін алғыс айтамыз. Сондай-ақ, осы істі жариялаған журналистерге де алғысымызды білдіреміз.

Екіншіден, соталды тергеп-тексеру жұмыстарын жүргізген әскери тергеу және анықтау қызметкерлеріне бөлек алғыс айтамын. Тынымсыз жұмыс атқарылып, қысқа мерзімде процессуалдық шешім қабылданды. Заңгерлер бізді түсінеді, бұл өте жылдам… Барлығы жедел, сыпайы және әдепті.

Кейін сараптама екеуміздің де денсаулығымызға орташа ауырлықтағы зиян келгенін көрсетті. Осыдан кейін іс қайта сараланып, ІІМ ОӨ Әскери тергеу басқармасына жіберілді, өйткені бап бұзақылықтан ауыр болды».

Анна Дмитриевич іспен айналысқан қызметкерлерге, оның ішінде тергеуші мен әскери прокуратура өкілдеріне алғысын білдірді.

«Бізге фамилиялары және істі кім нақты қадағалағаны белгісіз, бірақ мұндай қысқа мерзімде жүргізілген тергеу әрекеттерінің көлеміне қарағанда, қадағалау күнделікті болғаны анық. Шынымды айтсам, «ескі Қазақстанның» сигналдарынсыз болған жоқ, бірақ тергеудің принциптілігінің арқасында ол аяқталды.

Қайталап айтамын, енді ісіміз әскери сотқа жіберіліп, соңғы сөз сонда болады. Жағымсыз тосынсый болмайды және бәрі заң аясында өтеді деп сенемін», — деп жазды Дмитриевич Instagram-парақшасында.