Дәрігерлер жүрегі тоқтап қалған сәбиге 30 минутта жан бітірді — Қазақстан жаңалықтары

Қытайдың Гуандун провинциясындағы Фошань қаласында дәрігерлер 30 минут бойы жүрегі соқпаған сәбиге жан бітірді, деп жазады Stan.kz ақпараттық агенттігі.

Анасы дүкенге бір жасар ұлын алып шығып, жолда оған бананның тілімін берген. Көп ұзамай ол баласының тұншығып жатқанын байқап, аурухана апарады. Олар ауруханаға жарты сағаттан аса уақыт та әрең жеткен. Ал сол уақытта баланың жүрегі тоқтап, тыныс алмаған.

Бала ауруханана жеткізілгенде дәрігерлер оның тамағынан банан алып шықты. Содан кейін бес бірдей дәрігер кезекпен алмасып, балаға жанама жүрек массажын жасай бастады. 30 минуттың ішінде олар сәбидің кеудесін 3,6 мың рет басқан. Тек осыдан кейін ғана баланың жүрек соғуы әлсін-әлсін соға бастады. 

«Біз сол сәтте қатты қуандық. Нағыз құдірет сонда болды », — дейді дәрігерлердің бірі.

Дегенмен, дәрігерлер тамырда ұзақ уақыт қан жүрмегеннен, баланың миына түзетілмейтін зақым келуі мүмкін болғанын жоққа шығармайды.

Stan.kz сайтын Telegram арқылы оқыңыз. Арнамызға жазылыңыз.