Дәрігерлер Алматыда қайтыс болған 97 жастағы кейуана жайлы: Ол коронавирустан көз жұмған жоқ — Қазақстан жаңалықтары

ҚР денсаулық сақтау министрлігі 97 жастағы кейуананың өліміне себеп болған жағдай коронавирус емес екенедігін мәлім етті, деп хабарлайды Stan.kz ақпарат агенттігі. 

Бұған дейін хабарланғандай, өлім ми қан айналымының бұзылуынан туындаған қайтымсыз табиғи салдардан орын алған.

Коронавирус инфекциясы басқа да бірқатар ауыр аурулар секілді ілеспелі болды.

Осыған байланысты Алматы қаласының Қоғамдық денсаулық сақтау басқармасы жанындағы коронавирусты жұқтырған науқастардың өлім жағдайын зерттеу жөніндегі комиссия аталған өлім жағдайын коронавирустың салдарынан болды деп есептемеуге шешім қабылдады.

Осымен елімізде коронавирус инфекциясының кесірінен 25 адам көз жұмды.

Еске салайық, бұған дейін Алматыда бір науқас коронавирустан көз жұмды деп айтылған болатын.