Дархан Қыдырәлі журналист Михаил Козачковтың ұсталуына қатысты мәлімдеме жасады
Ақпарат және қоғамдық даму министрі Дархан Қыдырәлі журналист Михаил Козачковтың ұсталуына қатысты мәлімдеме жасады, деп хабарлайды “Адырна” ұлттық порталы.
“Әріптесіміз Михаил Козачковқа қатысты жағдайдан ҚР Қаржы мониторингі агенттігінің ақпараты арқылы хабардар болдық.Жағдай министрліктің жіті қадағалауында.
Қазір тергеу жұмыстары жүріп жатқандықтан, бұған қатысты қандай да бір пікір айтып, баға беруге ерте. Дегенмен ол объективті жүреді деп сенеміз”,- деп жазды Facebook парақшасында.
