Даниал Ахметовтың өмірбаяны: руы, отбасы, қызметі

Қазақстанның бұрынғы премьер-министрі, қазіргі Шығыс Қазақстан облысының әкімі Даниал Ахметов туралы Sputnik дерекқорынан оқыңыз

Даниал Ахметов 1954 жылы 15 маусымда Павлодар облысында дүниеге келген. Орта жүз, руы арғын, қанжығалы.

Отбасылық жағдайы

Үйленген, екі баласы бар. Жұбайы – Гүлия Ахметова.

Білімі

1976 жылы Павлодар индустриалды институтын (қазіргі С. Торайғыров атындағы Павлодар мемлекеттік университеті) инженер-құрылысшы мамандығы бойынша бітірген.

Еңбек өтілі

1976-1981 жылдары «Павлодар тұрғын үй құрылыс» тресі үй құрылыс комбинатының шебері, аға прораб болып жұмыс істеген;
1981-1983 жылдары Екібастұз қалалық партия комитетінің нұсқаушысы;
1983-1987 жылдары «Екібастұз шахта құрылыс» комбинаты партия комитетінің хатшысы, бас инженердің орынбасары;
1987-1991 жылдары Екібастұз қалалық атқару комитеті төрағасының орынбасары;
1991-1992 жылдары «Екібастұз энерго тұрғын үй өндіріс құрылысы» тресінің басқарушысы;
1992-1993 жылдары Екібастұз қалалық әкімшілігінің басшысы;
1993-1997 жылдары Павлодар облысының әкімі;
1997-1999 жылдары Солтүстік Қазақстан облысының әкімі;
1999-2000 жылдары ҚР премьер-министрінің орынбасары;

2000-2001 жылдары ҚР премьер-министрінің бірінші орынбасары;
2001-2003 жылдары Павлодар облысының әкімі;
2003-2007 жылдары ҚР премьер-министрі;
2007-2009 жылдары ҚР қорғаныс министрi;
2010-2012 жылы Экологиялық энергетика саласындағы компанияның басшысы;
2012-2014 Еуразиялық экономикалық комиссияның энергетика және инфрақұрылым жөніндегі алқа мүшесі (министрі);
2014 жылы Шығыс Қазақстан облысының әкімі болып тағайындалды. 

Басқа лауазымдары

1999-2009 жылдары Қазақстан Республикасы велоспорт федерациясының президенті;
2009 жылы ҚР велоспорт федерациясының бұрынғы құрметті президенті;
2018 жылы ҚР жеңіл атлетика федерациясының президенті;

Марапаттары

1999 жылы ІІІ дәрежелі «Барыс», 2004 жылы ІІІ дәрежелі «Барыс», 1986 жылы «Құрмет белгісі», 2012 жылы «Қазақстан Республикасының тұңғыш президенті – елбасы Нұрсұлтан Назарбаев» ордендерімен, 2008 жылы «Астанаға — 10 жыл», 2009 жылы ҚР велоспорт федерациясының құрметті президенті медальдерімен, әрі 2008 жылы Бауыржан Момышұлының 90 жылдығына арналған естелік құрмет белгісімен марапатталды. 

Ғылыми атағы

Экономикалық ғылымдар докторы.