Дана Нұржігіт: Кейбір бағдарламалар ұлттық ұстанымдарымызға сай келмейді

0
2200
Сурет: azattyq-ruhy.kz сайтынан алынды

Отандық телевизиядағы кейбір бағдарламалар ұлттық ұстанымдарымызға сай келмейді. Бұл туралы парламент өкілі Дана Нұржігіт Сенаттың кезекті отырысында Үкімет басшысына жолдаған сауалында айтты, деп хабарлайды azattyq-ruhy.kz сайты.

Депутаттың айтуынша, бүгінгі телевизиялық контенттің көрермен ең көп қарайтын уақыты – прайм таймда (18:00 – 24:00) ұлттық санаға соққы болатын, халықтың ар намысына тиетін тақырыптарға арналып отыр. Бұл орайда спикер рейтинг көтеруге бағытталған сенсациялық тақырыптарға арналған  ток-шоулар идеологияны насихаттау үшін жұмсыс істемейді деген пікірде.

«Қазақстанның ақпарат саласындағы заңнамасында телеарналардың басты қағидаты болуға тиісті «ұлттық құндылықтарды сақтау», «дәріптеу», «насихаттау» деген ұғым-түсінік жоқ. Біз отандық арналардың барлық иелерінен эфирде көрсетілетін кез-келген контенттің ұлттық құндылықтар қағидасына негізделуін талап етпейінше қоғамдағы руханият деңгейі көтерілмейді.

Халықаралық тәжірибені зерделей отырып, Қазақстан Республикасының Үкіметінен заңнамада жоғарыда аталған талапты көздейтін нормаларды қарастыруды және тиісті заңнамалық актілерге қажетті өзгерістер мен толықтырулар енгізу мәселесін қарастыруды сұраймын»,- деді сенатор.

Әсел Оршыбекова, Нұр-Сұлтан