Дамир Рыспаев «Сарыарқа» ойыншысымен төбелесті

«Номад» және «Сарыарқа» хоккей клубтары арасында өткен жолдастық кездесуде жанжал болды

НҰР-СҰЛТАН, 23 шілде — Sputnik. Елордалық «Номад» клубының қорғаушысы Дамир Рыспаев «Сарыарқа» командасының шабуылшысы Владислав Никулинмен төбелесіп қалды.

Рыспаев Никулинді бір ұрып, мұзға жықты, деп хабарлайды Sports.kz. Хоккейшілердің төбелесі видеоға түсіп қалған.

Кездесуде «Номад» командасы 2:1 есебімен жеңіске жетті. Елордалық клубтан Дмитрий Преснов пен Ефим Мишкин шайбаны қақпаға дөп түсірсе, қарағандылық «Сарыарқадан» – Кирилл Галоха.

Тағы оқыңыз: Ресейдегі хоккей матчына келген Жозе Моуриньо ел алдында ұятқа қалды — видео

Соған қарамастан, матчтан кейін командалар буллиттер (айып соққысы – Sputnik) сериясын өткізіп, мұнда «Сарыарқа» командасының мерейі үстем болды.

Хоккейші Дамир Рыспаев қазақстандық тафгай ретінде белгілі, әсіресе, «Барыс» құрамында айшықты төбелестерімен көзге түскен.