Қазақша сценарий: 22 Наурыз — Наурыз мейрамы (Ұлы күн – Наурыз!)

Сабырбаева Лаура Жанасбекқызы
Қызылорда облысы, Жалағаш ауданы, Ақсу ауылы
№116 орта мектептің «Ер Төстік» шағын орталығының тәрбиешісі

Тақырыбы: «22 — Наурыз» Ұлыстың ұлы мейрамына орай ұйымдастырылған «Ұлы күн – Наурыз!» атты ертеңгілігімізің сценарийі.
Мақсаты: Балаларға ұлыстың ұлы күні туралы мағлұмат беру; Балаларды елін, Отанын сүюге, ұлттық салт – дәстүрін дәріптеуге тәрбиелеу; Имандылық , инабаттылық, ізеттілік қасиеттерін қалыптастыру.
Ұйымдастыру кезеңі: Бөлме іші мерекеге сай безендіріледі. Балалар ұлттық киімдермен келеді. Би биленеді. Таспадан «Наурыз думан» әні ойналады.
Көрнекілігі: «Ұлы күн – Наурыз!» газеті. Ұлттық нақыштағы бұйымдар. (Домбыра, сәукеле, дорба, ыдыс – аяқ, т.б.) Барысы. Жүргізуші: Құттықтау сөзді мектеп директоры Нұржан ағайға береміз!
Жүргізуші: Құрметті қонақтар, ұстаздар , балалар! Сіздерді ұлыстың ұлы күні – Наурыз мерекесімен құттықтаймыз. Дендеріңізге саулық, бастарыңызға байлық тілей отырып «Ұлы күн – Наурыз!» атты ертеңгілігімізге қош келдіңіздер!
Ән: «Біз — өмірдің гүліміз» хор Жүргізуші: Би билейік бәріміз! Егін өңін толқытқан Елдің көңілін шалқытқан Бас иеміз – Наурыз!
Би: «Қамшы» Айдын, Қыдырәлі, Нұртай, Жандәулет.
Жүргізуші: Естіген жұрт толғанар, Бізде сондай әнші бар. Тамылжытып ән салар, Енді соны тыңдаңыздар!
Ән: «Мен әдепті баламын» орындайтын Қожабай Назерке
Мерекеге арналған балалардың тақпақтары:
Нұртай: Арпа бидай бастаған, Жеті дәмнен аспаған. Наурыз көже ежелден Бұл тойдағы бас тағам.
Айдын: Оятып шыңмен асқарды, Ерітіп мұз бен ақ қарды. Нұрландырған даланы, Наурыз – көктем басталды!
Ақзира: Ән қосылсын әніңе Сән қосылсын сәніңе. Ырысты боп Жаңа жыл! Бақ дарысын бәріңе!
Жандәулет: Келді Наурыз жар салып, Берекелі ән салып. Жылда келсін ұлыс күн, Тұрайық есен қарсы алып.
Жаннұр: Наурыз гүл көктем Сәні ай арайлы Күлімдеп күн көктен, Нұр шашып қарайды
Нұртөре: Ой қосылып ойыңа, Бой қосылып бойыңа! Аман – есен жүрейік, Келесі Наурыз тойына!
Назым: Құтты болсын, Наурыз Арманымыз әніміз. Наурызды қарсы алып, Қуанамыз бәріміз!
Қайсар: Ей, балалар, балалар! Енді маған қараңдар! Наурызды тойлайық, Қызық ойын ойнайық.
Назерке: Оятып шыңмен асқарды, Ерітіп мұз бен ақ қарды. Нұрландырған даланы, Наурыз – көктем басталды!
Қыдырәлі: Осыншама жақсылық, Алып келген Наурызым. Төрлет бізге нұр беріп, Шуақ шашып ақ жүзің.

Жүргізуші: Наурыз тойы — елдің тойы, Көктем тойы – төлдің тойы. Ән айтатын күні бойы, Жақсы көрем Наурыз тойын!
Ән: «Наурыз» хор
Жүргізуші: Қазақтың ұлттық ойындарының бірі қыз қуу. Ойын шарты: бір ұл, бір қыз қатысады. Ұл бала қызды қуып жетіп бетінен сүйеді, ал жете алмай қалса, қыз жігітті қамшымен ұрады. Ойынға қатысатындар: Нұртөре мен Жаннұр
Жүргізуші: Қазақтың ұлттық дәстүрінің бірі «Бесікке салу» рәсіміне кезек берейік!
Жұргізуші: Наурыз – шыр айналған жылдың басы, Адамның өлшенеді өмір жасы. Қазақтың пейіліне, жарасады, Әр үйде дастарқанға толған асы.
Ән: «Төлдер» орындайтын: Ақзира, Нұртай, Жаннұр.
Жүргізуші: Барша ата – аналардың құрметіне Лаураның «Наурыз думан» әнін қабыл алыңыздар!
Қорытынды сөз: Ата – аналарға беріледі.
Жүргізуші: Осымен «Балдырған» тобының Наурыз тойы аяқталды. Көңіл қойып тыңдағандарыңызға рахмет! Наурыз құтты болсын!