Бұрынғы бас прокурор Қожамжаров депутат болды
Қысқа сілтеме алу
Президент жарлығына сәйкес Қайрат Қожамжаров сенат депутаты болып тағайындалды
АСТАНА, 19 наурыз – Sputnik. Бұрын бас прокурор қызметін атқарған Қайрат Қожамжаров жаңа лауазымға ие болды. Бұл туралы Ақорда сайты хабарлайды.
«Мемлекет басшысының жарлығымен Қожамжаров Қайрат Пернешұлы Қазақстан Республикасы парламентінің сенат депутаты болып тағайындалды», — делінген хабарламада.
Қайрат Қожамжаровтың өмірбаяны
Қайрат Пернешұлы Қожамжаров 1965 жылы 24 наурызда Жамбыл қаласында дүниеге келді. 1987 жылы Жданов атындағы Ленинград мемлекеттік университетін бітірген. 1987-2007 жылдар аралығында прокуратура органдарында, кеден қызметінде, қаржы полициясы органдарында қызмет етті.
2004-2007 жылдар аралығында — Ақтөбе облысы бойынша экономикалық қылмысқа және сыбайлас жемқорлыққа қарсы күрес (қаржы полициясы) департаментінің бастығы.
2007 жылдың қантар айынан 2008 жылдың желтоқсан айына дейін — Қазақстан Республикасы экономикалық қылмысқа және сыбайлас жемқорлыққа қарсы күрес агенттігі (қаржы полициясы) төрағасының орынбасары.
2008 жылдың желтоқсан айынан 2012 жылдың қаңтар айына дейін — Қазақстан Республикасы Экономикалық қылмысқа және сыбайлас жемқорлыққа қарсы күрес агенттігінің (қаржы полициясының) төрағасы.
2012-2013 жылдары – Ақмола облысының әкімі.
2013 жылғы қаңтардан 2014 жылғы тамыз айына дейін — Қазақстан Республикасы президентінің көмекшісі – Қауіпсіздік Кеңесінің хатшысы.
2014 жылдың 6 тамызында Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы болып тағайындалды.
2015 жылғы 11 желтоқсанында мемлекеттік қызмет істері министрлігінің сыбайлас жемқорлыққа қарсы іс-қимыл ұлттық бюросының төрағасы болып тағайындалды.
2016 жылдың 13 қыркүйек айынан 2017 жылдың желтоқсан айына дейін — Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы.
2017 жылдың 11 желтоқсанында Қазақстан Республикасының бас прокуроры болып тағайындалды.
Марапаттары мен атақтары
І және II дәрежелі «Даңқ» ордендерімен, «Қазақстан Конституциясына 10 жыл», «Астананың 10 жылдығы» және тағы басқа медальдармен марапатталған.
«Қазақстан Республикасының прокуратура органдарының еңбегі сіңген қызметкері» және «Қазақстан Республикасы прокуратурасының ең үздік тергеушісі» атақтарын иеленген.
Қаржы полициясының генерал-майоры.
sputniknews.kz
