«Бұрынғы әйелін сүйеді»: Үш рет ажырасқан азаматқа үйленген ару мұңын шақты

Бүгінде отбасының ойраны шыққан келіншек күйеуін осы уақытқа дейін танымағанын айтады. Ол тіпті, өмірлік серігіне теңеп жүрген жанның үш әйел алғанынан да бейхабар болған екен деп жазады «Алаш айнасы».

Шаңырақ көтерген соң келіншек күйеуінің бұрынғы әйелдерінен хаттар ала бастаған. Олар келіншекке жұбайы бақытты етпейтінін, бәрібір тастап кететінін жазып жүріпті.

Ал күйеуі олардың жай араға от салып жүргендерін алға тартқан.

«Ол маған ұялы телефонын мүлдем ұстатпайтын. Бір күні ішіп алғанда телефонын қалдырып кетіпті. Шыдамай, алып қарасам, бір әйел «кел, күтемін» деп жазған. Сол күні одан шындықты талап еттім. Ол бәрін мойындады. «Бұрынғы әйелімді жақсы көремін, балаларым бар, ренжімеші» деп қарап тұр. Маған не үшін үйленгенін түсінбедім. Сезіміммен ойнап, өмірімді ойран етті», — дейді ол.

Ал қазір өзін тастап кеткен күйеуі келіншектің түсіне кіріп, шақырып жүр екен.