Бүгін Бекзат Саттархановтың туған күні

45 жыл бұрын (1980-2000) Олимпиада ойындарының чемпионы, боксшы Бекзат Сейілханұлы САТТАРХАНОВ жарық дүние есігін ашқан еді.

Бекзат Саттарханов Оңтүстік Қазақстан облысы, Түркістан қаласында дүниеге келген.

Бекзаттың бокстағы мансабы бар-жоғы бес жылды құрады. Олимпиада медалін көптеген спортшылар жылдар бойы армандап, бағындыра алмай жүрсе де, Бекзатқа бұл жеңіс бес жылдың ішінде бұйырды. Бекзат 1998 жылы жастар арасындағы әлем чемпионатында күміс медаль жеңіп, екі жылдың ішінде ересектер құрамасына қосылды. Сидней олимпиадасындағы алтын медальге көбінің сенімі аз еді. Тіпті, ұлттық құрамадағы тәжірибелі спортшылардан басқа, Бекзаттың есімін көп адам білмейтін.