Brent мұнайының қымбаттауы теңгеге қалай әсер етті

0

Қазақстан қор биржасының таңертеңгі сессиясының қорытындысы бойынша америкалық валюта бағамы 5,6 теңгеге төмендеді

АЛМАТЫ, 3 маусым – Sputnik. Қазақстан қор биржасының таңертеңгі сессиясының қорытындысы бойынша, бір доллар 396,77 теңге болды. 2 маусымда күндізгі сауда қорытындысы бойынша доллар құны 402,37 теңгені (минус 5,6 теңге) көрсетті.

Ұлттық валютаның нығаюына байланысты қазақстандық айырбастау пункттері бірден әрекетке көшті.
Kurs.kz порталының мәліметіне сәйкес, астанадағы айырбастау пунктерінде доллар 394-396,5 теңгеден сатып алынып, 398-401 теңгеден сатылып жатыр.

Алматы қаласындағы айырбастау орындарында доллар 395-398 теңгеден сатып алынуда, сату бағамы — 398-404 теңге.

Тағы оқыңыз: «Айлығым – мың доллар»: астаналық ұстаз қалай жоғары жалақы алып отырғанын айтты

Айта кетейік, бұған дейін Brent маркалы мұнайдың құны 6 наурыздан бері бірінші рет 40 доллардан жоғары бағаға көтерілді.



sputniknews.kz