Бөгет бұзылып 58 адам көз жұмды: Назарбаев көңіл айтты

25 қаңтар күні таңертең Бразилияда бөгет бұзылып, ондаған адам қаза болды

АСТАНА, 28 қаңтар — Sputnik. Мемлекет басшысы Нұрсұлтан Назарбаев Бразилия президенті Жаир Мессиас Болсонаруға көңіл айту жеделхатын жолдады, деп хабарлады Ақорданың баспасөз қызметі. 

Мемлекет басшысы Нұрсұлтан Назарбаев Минас-Жерайс штатындағы бөгеттің бұзылуы салдарынан көптеген адамның қаза болғаны туралы хабарды зор күйзеліспен қабылдады.

«Осындай қиын сәтте Қазақстан халқының және жеке өзімнің атымнан Сізге, қаза тапқандардың туған-туысқандары мен жақындарына, сондай-ақ барша Бразилия халқына көңіл айтамын.

Қайғыларыңызға ортақтаса отырып, зардап шеккендердің тезірек сауығып, отбасыларына оралуына тілектестігімді білдіремін», – делінген жеделхатта.

Жағалауда өнер көрсетіп жатқан музыканттарды кенет су шайып кетті 

25 қаңтар күні таңертең Брумадинью муниципалитеті аумағында (Минас-Жерайс штаты) бөгет бұзылды. 305 адам із-түзсіз жоғалып кетті, билік 58 адамның қайтыс болғанын растады.