«Бізде заң да, иман да — бәрі өте әлсіз екен». Ақын ұлының өліміне қатысты жазба жариялады

Серікзат Дүйсенғазы өмірден өткен ұлына қатысты жазба жариялады.

Ақынның сөзінше арада бір жыл уақыт өтсе де сот отырысы әлі жалғасып жатыр.

Бір күн ішінде он шақты сот отырысы өткен. Соның бірі қаралы оқиға болған жерде, яғни Елікті паркте өткізілген.

«Әлиханымның соңғы көрген жері. Осы жерде көшпелі сот отырысы өтеді. Ардақты ағайын, Әлиханымның соңғы демі үзілген жер. Анау талға соғылған ғой. Айналайын-ай десейші», — деді ол.

Ақын келесі тарап кінәсін мойындамай отырғанын жазып, қайғылы оқиға болған жер қоршалмағанын айтады.

«Елікті деген осы міне. Ешқайсын әлі жаппаған, ашық тұр бәрі. Мойындамайды, Шымбұлақта да, басқа жерде де солай дейді. Соттың алдында да жаңа дауласып қалдық. Бізде заң да, иман да — бәрі өте әлсіз екен. Соны байқап отырмын. Бұл жігіттерде әлі иман жоқ. Адам өліп жатса да, орманды қоршауға болмайды деп дау шығарып отыр», — дейді ақын.

фото: ашықдереккөз