«Бізде өтсінші». Катар билігінің ФИФА-ға пара бергені ашылды

Катар билігі елде 2022 жылы өтетін футболдан әлем чемпионаты үшін пара ретінде ФИФА-мен жалпы сомасы 880 миллион долларды құрайтын келісімшарттар жасасқан, деп хабарлайды Zakon.kz Lenta.ru-ға сілтеме жасап.

The Times басылымының дерегінше, ӘЧ-2022 өткізетін елді таңдауға үш апта қалғанда «Әл-Джазира» телекомпаниясы ФИФА-мен 400 миллион долларға келісімшарт жасасқан. Оған футбол матчтарын Таяу Шығыс пен Солтүстік Африкада көрсету құқығы және Катар жеңген жағдайға деп 100 миллион долларлық бонус кіреді.

Сондай-ақ, ФИФА мен «Әл-Джазираның» еншілес компаниясы beIN арасында тағы 480 миллион долларға келісімшарт жасалған. Майкл Гарсия бастаған комиссия ұйымдағы коррупцияны тергеп, осы келісімшарттар туралы толық есеп беруді талап еткен, алайда ФИФА одан бас тартты. Футбол ұйымы бұған байланысты ешқандай мәлімет бермейді.

«Әль-Джазира» телекомпаниясының қожайыны Катар шейхі Хамад бин Халиф Әль-Тани.

Катардың әлем чемпионатын қабылдауына байланысты сыбайлас жемқорлық жөніндегі айыптар бұрын да тағылған. Екі жыл бойы тергеу жүргізген ФИФА айыптың бәрін жоққа шығарған.

Telegram арнасындағы маңызды жаңалықтар «zakon.kz». Жазылу!