Бишімбаевтың адвокаттары Нүкенованың өлімін «кісі өлтіру» деп атауға тыйым салмақ болды

Астанада әйелін ұрып өлтірді деп айыпталған экс-министр Қуандық Бишімбаевқа қатысты сот отырысы жалғасуда. Бүгін 4 сәуірдегі сот отырысында сотталушының адвокаттары Нүкенованың өлімін кісі өлтіру деп атамауды тағы да талап етті. Бұл туралы Stan.kz ақпарат агенттігі жазды.

Нақтырақ айтқанда, Бишімбаевтың адвокаттарының бірі Ләйлә Рамазанова Салтанат Нүкенованың өлімін кісі өлтіру деп атамауды және зардап шеккен тараптың қорғаушысына ескерту жасауды талап етті.

“Жанна Уразбаховаға (жәбірленуші тараптың адвокаты – ред.) ескертуіңізді сұраймын, себебі ол «кісі өлтіру» деп айта береді”, – деді сотқа жүгінген Рамазанова.

Жанна Уразбахова Ләйлә Рамазанова Салтанат Нүкенованы өлтіруді кісі өлтіру деп атағаны үшін өзіне сөгіс беруді бірнеше рет өтінгенін атап өтеді.

”Өкінішке орай, мен бұл контексте басқа қандай сөздерді қолдануды білмеймін”, – деді ол.

Қазір Салтанат Нүкенованың телефонын тексеру жалғасуда, ұялы телефондағы хат-хабарлары оқылып, сот отырысына қатысушыларға оның фотосуреттері көрсетілуде.