Домой Жаңалықтар «Бір жылға сотталды»: Тұрсынбек Қабатовтың қызына қатысты дауға нүкте қойылды

«Бір жылға сотталды»: Тұрсынбек Қабатовтың қызына қатысты дауға нүкте қойылды

0
5916

Сот жеңілдететін мән-жайларды ескере отырып, елордадағы білім беру орталықтарының бірінің басшысына үкім шығарды, деп хабарлайды kznews.kz сайты ktk.kz порталына сілтеме жасап.

Елордада күдікті пәтерді оңай жолмен тонаған Ақтөбеде гараждағы өрт орнынан ер адамның денесі табылды Елорда соты Ұлттық бірыңғай тестілеу (ҰБТ) кезінде жалған құжат жасады деп айыпталған білім беру орталығының басшысына қатысты үкім шығарды. Нұр-Сұлтан қаласы Алматы ауданының №2 аудандық соты жалған құжат жасады деп айыпталған «140+1 білім беру орталығының» басшысы Нұрбек Қанайға қатысты үкім шығарды.

«2021 жылдың жазында оқушыларға ҰБТ-дан жоғары балл жинап беріп, білім беру орталығының атын шығару мақсатында кеңсе техникасын пайдалана отырып, тестілеуден өтіп жатқан төрт мектеп түлегінің жеке куәліктеріндегі фотосуреттерді ҰБТ-ға дайындалып жатқан басқа тұлғалардың фотосуреттеріне ауыстырған», — деп хабарлады Нұр-Сұлтан қалалық сотының баспасөз қызметі.

Сотталушының кінәсі куәлардың айғақтарымен, тәркіленген кеңсе жабдықтарымен, жалған құжаттармен, жеке куәліктердегі фотосуреттерді ауыстыру туралы сот-техникалық қорытындылармен дәлелденді.

Сот жазаны жеңілдететін шын жүректен өкіну сияқты мән-жайларды назарға алды.

Нәтижесінде сот Қанайға пробациялық бақылау орната отырып, бір жылға бас бостандығын шектеу жазасын тағайындады. Үкім әлі заңды күшіне енген жоқ.