БҒМ: Бастауыш сынып оқулықтары қайта өңдеуге жіберілді — Қазақстан жаңалықтары

Бастауыш мектептің кейбір оқулықтары республикалық комиссияның жұмысы негізінде қайта қарауға жіберілді. 

Бұл туралы үкіметтің отырысында Білім және ғылым министрі Күләш Шамшидинова мәлімдеді.

«Оқулық балаларды оқыту құралдарының бірі ғана. Жаңа стандарттар бойынша мұғалімдер мен сарапшылар даярланып жатыр, авторлар бір күнде бәрін ұйымдастыра алмайды.  Жақында республикалық комиссия өз жұмысын аяқтады, бастауыш сыныптың кейбір оқулықтары комиссияға қайта қарауға жіберілді», — деді министр.

Өзінің жаңа лауазымында Күләш Шамшидинова ең алдымен елдегі білім беру сапасын арттыруды көздейді. Оның айтуынша, министрлік орта деңгейдегі оқу бағдарламаларын жаңартуды қарастыруда.

«Білім берудің сапасы төмен немесе әлсіз деп айтпаймын, бұл білім беру қазіргі заманғы талаптарға сай болуы керек дегенді білдіреді. Мысалы, STEAM-оқыту математика, информатика, химия, физика және биология пәндері бойынша сабақтар өткізеді, сондықтан балаларға жүктемені азайтуға болады », — деп түсіндірді ҚР Білім және ғылым министрлігінің басшысы.

Мектеп оқулығы оқуға берілгенге дейін қоғамдық сараптамадан өтеді. Білім және ғылым министрі барлық қызығушылық танытқандарды оқулықты оқып көруге шақырды.

Бұған дейін экс-министр Ерлан Сағадиевке білім саласындағы олқылықтарға қатысты көптеп сын айтылғаны белгілі. Бекболат Тілеухан бұл тұрғыда Сағадиевке сын айта отыра, «Сауаташу» оқулығының орнына  «Әліппе» кітабын қайтаруды сұраған еді. 

Stan.kz сайтын Telegram арқылы оқыңыз. Арнамызға жазылыңыз.