«Бесеуі бала»: Маңғыстау облысында бір отбасының 7 адамы газдан уланып, қайтыс болды

Маңғыстау облысы, Мұнайлы ауданында бір отбасының 7 мүшесі, оның ішінде 5 бала, газдан уланып қайтыс болды. Алдын ала болжам бойынша, себеп — газ жабдықтарын дұрыс пайдаланбау. Оқиғаның мән-жайын анықтау үшін арнайы комиссия құрылды, ал жергілікті билік қайтыс болғандардың туыстарына көмек көрсететінін мәлімдеді.

Төтенше оқиғаның себебін анықтау үшін арнайы комиссия құрылды. Оны Маңғыстау облысы әкімінің бірінші орынбасары Ербол Ізбергенов басқарады.

— Қайтыс болған отбасының туыстарына жан-жақты көмек беріледі, соның ішінде жерлеу рәсімін ұйымдастыруға қолдау көрсетіледі. Аталған оқиға Маңғыстау облысы әкімінің жеке бақылауында болады, — делінген Маңғыстау облысы әкімінің баспасөз қызметі таратқан хабарламада.