Бес жыл тұрудың қажеті жоқ: Ресей азаматтығын алу жеңілдетілді

0
51

Қазақстан, Молдова, Украина және Беларусь азаматтары Ресей азаматтығын қабылдау кезінде жеңілдік алуға құқылы

НҰР-СҰЛТАН, 17 сәуір – Sputnik. Қазақстандықтар Ресей азаматтығын бұл елде бес жыл тұрмай-ақ ала алады.

Парламенттің төменгі палатасы Ресей азаматтығына жеңілдетілген қабылдау туралы заң қабылдады.

Осы құжат арқылы Ресейде бес жыл болу және азаматтығы жоқ ересектер үшін өмір сүрудің заңды көзінің болуын растау талабы (егер олар КСРО азаматтығына ие болса, одақ құрамына кірген мемлекеттерде тұрып, өмір сүрсе, осы мемлекеттердің азаматтығын алмаса) алынып тасталады.

«Ресей азаматтығына жеңілдетілген қабылдау құқығын тұруға ықтиярхаты бар, бірақ Ресейде бес жыл өмір сүрмеген Молдова, Украина, Беларусь және Қазақстан азаматтарына беру ұсынылып отыр», – делінген Мемлекеттік думаның сайтында.

Бес жылдық мерзім және табыс көзін растау туралы талап Ресей азаматымен некеде тұрған және бала тәрбиелеп отырған шетелдіктерге қолданылмайды.

Сондай-ақ, бұл міндеттеменің Ресей Федерациясының азаматы саналатын кем дегенде бір ата-анасы Ресейде тұратын шетелдіктерге қатысы жоқ.



sputniknews.kz